Թուրքիան նոր բազա է հիմնում Սիրիայի սահմանի մոտ
Թուրքական Hürriyet թերթի փոխանցմամբ՝ Թուրքիայի զինված ուժերը Հաթայ նահանգում ձեռնամուխ են եղել Սիրիայի Լաթաքիա քաղաքի մոտ գտնվող Քել լեռան գագաթին նոր ռազմաբազայի ստեղծմանը: Ռազմական տեխնիկան բեռնատարներով հասցվել է լեռան գագաթ:
Բազան գտնվելու է այն վայրի մոտ, ուր նախորդ տարվա հունիսի 22-ին սիրիական ուժերը կործանել էին հետախուզական թռիչք իրականացնող Թուրքիայի ռազմաօդային ուժերի F-4 ինքնաթիռը:
Շանլըուրֆա նահանգի Սուրուչ շրջանում գտնվող Մուրշիթփընար սահմանային անցակետում նույնպես նկատվել է զրահատեխնիկայի ու տանկերի կուտակում:
