Ադրբեջանցի զինծառայող է զոհվել
Ադրբեջանական APA լրատվական գործակալության փոխանցմամբ՝ ադրբեջանական բանակը կրել է հերթական կորուստը: Ադրբեջանի պաշտպանության նախարարության մամլո ծառայության հաղորդմամբ՝ զինծառայող Բեբիշով Նամիգ Ալիբաբաօղլուն զոհվել է զենքի հետ անզգուշաբար վարվելու հետևանքով:
Նշվում է, որ նա ծանր վնասվածքներ է ստացել ինքնաձիգի փողում փամփուշտի պայթյունի հետևանքով: Ալիբաբաօղլուն ադրբեջանական բանակ էր զորակոչվել Եվլախի շրջանից:
