Տեր-Պետրոսյանը ՀԱԿ-ի անդամներին ներկայացրել է ՀՀ-ում ստեղծված իրավիճակը
Այսօր տեղի է ունեցել Հայ Ազգային Կոնգրեսի վարչության նիստ, որը վարել է Կոնգրեսի առաջնորդ Լևոն Տեր-Պետրոսյանը: Այս մասին տեղեկացնում է ilur.am-ը:
Նիստում հաստատվել են Իրավական հարցերի, Արտաքին հարաբերությունների, Տնտեսական և բնապահպանական հարցերի, Հանրային միջոցառումների կազմակերպման հանձնաժողովների քարտուղարները, ինչպես նաև Տնտեսական և բնապահպանական հարցերի և Հանրային միջոցառումների կազմակերպման հանձնաժողովների գործառույթները:
Փոխնախագահ Լևոն Զուրաբյանը հաղորդում է ներկայացրել խորհրդարանական խմբակցության կատարած աշխատանքների և առաջիկա նստաշրջանում գործունեության ծրագրի վերաբերյալ:
Փոխնախագահ Արամ Մանուկյանը հաղորդում է ներկայացրել Եվրոպայի Լիբերալ Դեմոկրատների դաշինքի առաջիկա համագումարի և դրան Կոնգրեսի պատվիրակության մասնակցության վերաբերյալ:
Նիստում ելույթ ունեցել Կոնգրեսի առաջնորդ Լևոն Տեր-Պետրոսյանը:
«Քննարկվել է նաև կուսակցության հանձնաժողովների և տարածքային կառույցների ձևավորման ընթացքը, այնուհետև տեղի ունեցավ Հայաստանում ստեղծված քաղաքական իրավիճակի քննարկում, ստեղծված իրավիճակը ներկայացրեց կուսակցության նախագահ Լևոն Տեր-Պետրոսյանը»,- ըստ ԳԱԼԱ-ի՝ նիստից հետո ասել է Լևոն Զուրաբյանը և հավելել, որ ելույթն ամբողջությամբ շուտով վիդեոտարբերակով կներկայացնեն:
