ԱՄՆ պետդեպարտամենտն Ադանայում իր դիվանագետներին հրահանգել է լքել քաղաքը
Թուրքական Samanyolu Haber հեռուստաալիքի փոխանցմամբ`ԱՄՆ պետդեպարտամենտը Ադանայում գտնվող ամերիկյան հյուպատոսության աշխատակիցներին կարգադրել է լքել քաղաքը: Այս մասին հայտարարել է ԱՄՆ պետդեպարտամենտի խոսնակ Մարի Հարֆը:
Վերջինս այդ որոշումը պայմանավորել է անվտանգության նկատառումներով` ելնելով նրանից, որ Ադանան բավական մոտ է գտնվում Սիրիային, որին ԱՄՆ-ը պատրաստվում է հասցնել ռազմական հարված:
Նշվում է, որ Ադանայում ամերիկացի դիվանագետները տեղափոխվելու են Ստամբուլ կամ Անկարա: Նույն պատճառով ԱՄՆ պետդեպարտամենտը կարգադրել է Լիբանաից ընտանիքների հետ հեռանալ այդ երկրում գտնվող իր դիվանագետների մեծ մասին:
