Թուրքիան պատերազմ չի տենչում տարածաշրջանում. Էրդողան
Թուրքական TRT Haber հեռուստաալիքի փոխանցմամբ`Թուրքիայի վարչապետ Ռեջեփ Էրդողանը Սանկտ Պետերբուրգում տեղի ունեցած մամլո ասուլիսի ժամանակ հայտարարել է, որ G-20-ի անդամ երկրների ղեկավարները հանդես են գալիս Սիրիայում ռազմական գործողություն անցկացնելու օգտին.
«Դա արվում է վարչակարգի կողմից երկրում բռնությունների դադարեցման համար: Համաշխարհային երկրները չպետք է լռեն նախագահ Բաշար Ասադի վարչակարգի կողմից սեփական ժողովրդի դեմ գործած հանցանքի կապակցությամբ:
Սիրիայում ռազմական միջամտություն անցկացնելուն Թուրքիայի աջակցությունը չի նշանակում, թե Անկարան պատերազմ է տենչում տարածաշրջանում: Ընդհակառակը, Թուրքիայի նպատակը բռնությունների դադարեցումն է Սիրիայում»:
