Պռոշյանի գյուղապետարանի բոլոր աշխատակիցները հրաժարական են ներկայացրել
Կոտայքի մարզի Պռոշյանի գյուղապետարանի ամբողջ աշխատակազմը` 15 աշխատակից, հրաժարական է ներկայացնել` որպես բողոքի նշան նախկին գյուղապետ Հրաչ Մուրադյանի սպանության չբացահայտման:
Ինչպես հաղորդում է ՍիվիլՆեթի լրագրողը Պռոշյանից, այս պահին աշխատակիցներից 13-ը, դիմումը ձեռքին, սպասում է այն նորընտիր գյուղապետ, ՀՀԿ-ական Արթուր Մուրադյանին ներկայացնելուն: Աշխատակիցներից երկուսն ի պաշտոն կարող է հրաժարական տալ` առանց դիմումի ներկայացման: Գյուղապետարանի աշխատակիցները նշում են, որ խնդիրը նոր գյուղապետը չէ, այլ այն, որ Հրաչ Մուրադյանի սպանությունը շարունակում է մնալ չբացահայտված:
Անդրադառնալով իր աշխատակիցների հրաժարականներին` գյուղապետ Արթուր Մուրադյանը լրագրողների հետ զրույցում նշեց, թե «եթե ուզում են, կարող են գնալ, գյուղում լիքը կրթված մարդ կա գյուղապետարանում աշխատելու համար»:
Հարցին, թե արդյոք աթոռը թանկ է նրա համար, գյուղապետն ասաց, թե իր համար «գյուղացին է թանկ»:
Շարունակությունը՝ այստեղ
