Երիտասարդները Հանրապետության հրապարակում քոչարի են պարում (տեսանյութ)
Ինչպես արդեն տեղեկացրել էինք՝ այսօր Երևանի քաղաքապետ Տարոն Մարգարյանի հայտնի որոշումից հետո՝ «Չեմ վճարելու 150 դրամ» ակցիայի մասնակիցները տոնում էին իրենց հաղթանակը:
Նրանք իրենց հաղթանակը տոնում էին թմբուկների, ծափերի ու սուլոցներ ներքո՝ վանկարկելով «Հաղթանակ», «Մենք ենք տերը մեր երկրի»: Նրանց ոգևորությունն այնքան էր մեծացել, որ ոստիկանները մեծ դժվարությամբ, բայց, ի վերջո, կարողացան վերահսկել իրավիճակը` նրանց դուրս բերելով փողոցի երթևեկելի հատվածից ու մեքենաների արանքներից: Քանի որ Տարոն Մարգարյանի որոշումը ակցիայից մի քանի րոպե առաջ էր կայացվել, քաղաքացիների մեծ մասն անտեղյակ էր, և դա էր պատճառը, որ ակտիվիստները դուրս էին գալիս փողոց` երթուղայինների ուղևորներին ու վարորդներին հայտնելով լուրը:
Իսկ Հանրապետության հրապարակում երիտասարդներն իսկական տոն կազմակերպեցին` նրանք բղավում էին, երգում, քոչարի պարում: Ակտիվիստների ուրախությունը կիսում էին նաև ճանապարհի ավտոմեքենաների վարորդները, որոնց ազդանշանները երբեմն գերազանցում էին երիտասարդների բղավոցներին:
Մանրամասները 168.am-ի տեսանյութում:
