Ոստիկանության գնդապետի եղբայրն ինքնասպանության փորձ է արել. մամուլ
«Հուլիսի 23-ին ինքնասպանության փորձ է կատարել «Զվարթնոց» օդանավակայանի բաժնի պետ, ոստիկանության գնդապետ Վանիկ Թանգամյանի եղբայրը՝ 64-ամյա Ցոլակ Թանգամյանը»,- գրում է «Ժողովուրդ» օրաթերթն ու հավելում.
«Ըստ տարածված տեղեկությունների՝ Ց. Թանգամյանն իրեն պատկանող Сайга M/К տեսակի 7.62 մմ տրամաչափի հրազենով կրակել է իր կրծքավանդակին: Վերջինիս պատկանող Ղափանցյան փողոցի տան հյուրասենյակում հայտնաբերվել է նաև 7.62 տրամաչափի պարկուճն ու փամփուշտը:
«Ժողովուրդը» փորձեց կատարվածի շուրջ զրուցել Զվարթնոց» օդանավակայանի բաժնի պետ, ոստիկանության գնդապետ Վանիկ Թանգամյանի հետ, սակայն վերջինս ասաց, որ ինքը գտնվում է հիվանդանոցում. «Եղբայրս նորմալ վիճակում է, էլ բան չեմ կարող ասել»»:
