Բրիտանիայի թագուհին հաստատել է միասեռականների ամուսնության մասին օրենքը
Միացյալ թագավորության Ելիզավետա 2-րդ թագուհին հաստատել է Անգլիայում և Ուելսում միասեռ ամուսնությունները թույլատրելու մասին օրենքը:
Օրենքը բրիտանական խորհրդարանի վերջին իրավաբանական արարողակարգերով անցկացվել էր երեքշաբթի օրը: Բրիտանական բոլոր խոշորագույն կուսակցությունների առաջնորդները ընդունել են այդ օրենքի նախագիծը՝ ի հակադրություն պահպանողականների ընդդիմությանը:
Սպասվում է, որ առաջին միասեռական զույգերի ամուսնության արարողությունները տեղի կունենան եկող տարվա ամռանը:
Օրենքի նախագծի համաձայն՝ հոգևոր կազմակերպությունները կարող են «հնարավորություն ընձեռել» ամուսնությունների արարողությունների անցակացմանը: Սակայն անգլիական եկեղեցին և Ուելսի եկեղեցին դա անել չեն կարող: Այս մասին Գրում է «Փաստինֆոն»՝ հղում անելով BBC-ին:
