Մխիթարյանը կբացակայի մեկ ամիս
Հենրիխ Մխիթարյանը, ամենայն հավանականությամբ, բաց կթողնի Գերմանիայի հերթական առաջնության անդրանիկ խաղերը: Այս մասին գրում է «Փաստինֆոն»:
Գերմանական մամուլի հաղորդմամբ՝ բուժզննմամբ պարզվել է, որ հայ կիսապաշտպանը մասնակի վնասել է աջ ոտքի կոճը: Դրա ապաքինման համար կպահանջվի մինչեւ չորս շաբաթ: Հիշեցնենք, որ Հենրիխը վնասվածք է ստացել շվեյցարական «Լյուցերնի» հետ Դորտմունդի «Բորուսիայի» ստուգողական խաղում: Գերմանական ակումբը հաղթեց 4:1 հաշվով, իսկ գոլերից մեկի հեղինակը դարձավ հենց Մխիթարյանը:
