Տիգրան Կիրակոսյանը Հայաստանի առաջին ոսկին է նվաճում. Ունիվերսիադա
Մինչև 52 կգ քաշային կարգում հանդես եկող սամբիստ Տիգրան Կիրակոսյանը Կազանում ընթացող 27-րդ համաշխարհային ուսանողական խաղերի եզրափակիչ գոտեմարտում 4:1 հաշվով հաղթեց ղազախստանցի Բեյմբեթ Կանժանովին և Հայաստանի առաջին ոսկե մեդալը նվաճեց: Նշենք, որ Տիգրանը քառորդ եզրափակչում 4:2 հաշվով առավելության է հասել ռուս Վասիլի Կարաուլովի նկատմամբ, իսկ կիսաեզրափակչում ոչ մի հնարավորություն չէր տվել (4:0) վրացի Գիվի Նադարեյշվիլիին:
Տիգրանի հաղթանակի շնորհիվ Հայաստանն ընդհանուր մեդալների հաշվարկում բարձրացավ 32-րդ տեղ՝ 1 ոսկի, 2 արծաթ, 1 բրոնզ:
