«Նոր Մոսկվայում» ավտոբուսին բախված բեռնատարի վարորդը Հայաստանի քաղաքացի է
«Նոր Մոսկվայում» տեղի ունեցած ճանապարհատրանսպորտային պատահարի հետևանքով, որի ժամանակ միմյանց էին բախվել մարդատար ավտոբուսը և բեռնատար մեքենան, զոհվել է 18 , տուժել՝ 55 մարդ: Այս մասին գրում է Փաստինֆոն՝ հղում անելով «РИА Новости»-ին: Գործակալությունը տեղեկացնում է, որ ավտոբուսը բախման հետևանքով շրջվել և երկու կես է եղել: Ավտոբուսը Պոդոլսկից Ժոխովո գնալիս է եղել: «ԿԱՄԱԶ» մակնիշի բեռնատարը դուրս է եկել երկրորդային ճանապարհից և բախվել ավտոբուսին, որի հետևանքով վերջինիս ետևի հատվածը պոկվել և առանձնացել է: Բեռնատարի վարորդը, որն ըստ նախնական տվյալների վթարի մեղավորն է, ողջ է և հիմա գտնվում է Բոտկինի հիվանդանոցում: Պարզվել է, որ այդ «ԿԱՄԱԶ» -ի վարորդը Հայաստանի` 46-ամյա քաղաքացի է, ով տարվա ընթացքում 6 անգամ ենթարկվել է վարչական տույժերի՝ երթևեկության կանոնները խախտելու համար: Վթարի փաստով հարուցվել է քրեական գործ:
