Վրաստանի նախագահի թեկնածուների քանակն ավելացել է մեկով
Ռուսական РИА Новости լրատվական գործակալության փոխանցմամբ՝ Վրաստանի Քրիստոնեա-դեմոկրատական շարժումը նախագահի թեկնածու է առաջադրել կուսակցության լիդեր Գեորգի Տարգամաձեին.
«Մենք մասնակցելու ենք նաև հոկտեմբերի 27-ի նախագահական ընտրություններին: Բոլոր ընտրություններին մասնակցելն ունի ոչ միայն իմաստ, այլև հանդիսանում է մեր անձնական, կուսակցական, ազգային պարտականությունը:
Ես իդեալիստ եմ և հավատում եմ, որ քրիստոնեական էթիկայի վրա կառուցված քաղաքականությունը կարող է ուժեղացնել երկիրը: Հենց այդ պատճառով էլ ես որոշեցի մասնակցել նախագահական ընտրություններին»:
Վրաստանի նախագահական ընտրություններն անցկացվելու են հոկտեմբերի 27-ին: Սրանից առաջ Վրաստանի ԿԸՀ-ը նախագահի թեկնածուներից արդեն իսկ ստացել է 7 հայտ:
