Քաղաքացին սայթաքել և կախվել է 7-րդ հարկի կառուցատարրերից
Հուլիսի 11-ին, ժամը 16.03-ին ահազանգ է ստացվել, որ քաղաքացի է սայթաքել և կախվել Երևանի Խաղաղ Դոնի փողոցի թիվ 29 շենքի 7-րդ հարկի կառուցատարրերից. անհրաժեշտ է օգնություն:
Դեպքի վայր է մեկնել մեկ մարտական հաշվարկ, հատուկ նշանակության փրկարարական աշխատանքներ իրականացնող կենտրոնի փրկարարական ջոկատը, մեկ ավտոսանդուղք և ԱԻ արձագանքման խումբը:
Ժամը 16.44-ին փրկարարները և հրշեջ-փրկարարները իջեցրել են 1959 թ. ծնված Մ. Ասատրյանին և տեղափոխել անվտանգ տարածք:
