Խոշոր տնտեսվարողներն առայժմ թանկացումների չեն գնացել
Գազի թանկացումից հետո սպասվում էր, որ շղթայական ռեակցիայով մյուս ապրանքներն էլ կթանկանան: Սակայն 168.am-ի հետ զրույցում Տնտեսական մրցակցության պաշտպանության պետական հանձնաժողովի մամուլի քարտուղար Գայանե Սահակյանը հայտնեց, որ իրենց կողմից մոնիթորինգի ենթարկվող ապրանքների գների բարձրացում առայժմ չկա: ՏՄՊՊՀ-ն վերահսկում է այնպիսի առաջնային ապրանքների շուկաներ, ինչպես կարագի, պանրի, մսամթերքի, բրնձի, ոսպի, ձեթի շուկաները, որտեղ կան գերիշխող դիրք ունեցող տնտեսվարողներ, իսկ, օրինակ, հացի շուկան չի վերահսկում:
«Հանձնաժողովը կշարունակի մոնիթորինգը, այս շրջանում վերահսկողությունը խստացրել ենք, և ոչ հիմնավորված բարձրացումների դեպքում անբարեխիղճ տնտեսվարողները կենթարկվեն պատասխանատվության»,- ասաց Գ.Սահակյանը:
