Դատախազությունը ՎՊ հաշվետվության ուսումնասիրությունից հետո 4 նյութ ուղարկել է ոստիկանություն
ՀՀ Վերահսկիչ պալատի 2012 թվականի տարեկան հաշվետվության ուսումնասիրության արդյունքում դատախազությունն արդեն 4 նյութ ուղարկել է ոստիկանություն՝ ընթացք տալու համար։ Այս մասին գրում է «Փաստինֆոն»՝ հավելելով, թե իր տեղեկությունների համաձայն` դրանք վերաբերում են 4 տարբեր ԾԻԳ-երի:
Դատախազությունը ոստիկանություն է ուղարկել «Կրթական ծրագրերի կենտրոն», «Տրանսպորտի ծրագրերի իրականացման գրասենյակ», «Ջրային տնտեսության ծրագրերի իրականացման գրասենյակ» և «Արփա-Սևան» թունելի վերականգնման ծրագրի իրականացման գրասենյակ» ԾԻԳ-երի վերաբերյալ նյութերը:
Մեր ունեցած տեղեկություններով դատախազության պետական շահերի պաշտպանության վարչությունում ուսումնասիրությունները շարունակվում են եւ չի բացառվում, որ նոր գործեր կուղարկվեն քննչական տարբեր մարմիններ։
