Հենրիխ Մխիթարյանը 4 տարվա պայմանագիր կնքեց Բորուսիայի հետ
Գերմանական kicker պարբերականի հաղորդմամբ` Հայաստանի հավաքականի կիսապաշտպան Հենրիխ Մխիթարյանը հաջող բուժզննում անցնելուց հետո 4 տարվա պայմանագիր է կնքել Բունդեսլիգայի փոխչեմպիոն Դորտմունդի «Բորուսիայի» հետ:
Աղբյուրի տվյալներով` Չեմպիոնների լիգայի վերջին խաղարկության եզրափակչի մասնակցը հայ ֆուտբոլիստի համար վճարել է 25 մլն եվրո, ինչը «Բորուսիայի» տրանսֆերային ռեկորդի կրկնությունն է. նույնքան գումար նրանք վճարել էին 2001 թվականին` Մարսիո Ամորոզոյի տեղափոխության համար:
Հիշեցնենք, որ ավելի վաղ տեղեկատվություն տարածվեց, որ Հենրիխն իր նորամուտը «Բորուսիայում» կնշի արդեն այսօր` Մագդեբուրգում կայանալիք բարեգործական հանդիպման ժամանակ: Նշվում է, որ Մխիթարյանը հանդես կգա 10 համարի մարզաշապիկով:
