Հենրիխ Մխիթարյանն այսօր 10 համարի մարզաշապիկով կխաղա Բորուսիայի կազմում. ԶԼՄ
Արդեն տեղեկացրել ենք, որ Հայաստանի հավաքականի կիսապաշտպան Հենրիխ Մխիթարյանն այսօր վաղ առավոտյան մեկնել է Գերմանիա, որտեղ պայմանագիր կկնքի Բունդեսլիգայի փոխչեմպիոն Դորտմունդի «Բորուսիայի» հետ:
Sport-express-ը հղում կատարելով Der Westen-ին` հաղորդում է, որ Մխիթարյանը կարող է հենց այսօր նշել իր նորամուտը գերմանական ակումբի կազմում` խաղադաշտ մտնելով Մագդեբուրգում կայանալիք բարեգործական հանդիպման ժամանակ:
Աղբյուրի տվյալներով` Հայաստանի ընտրանու առաջատարը Չեմպիոնների լիգայի եզրափակչի մասնակցի կազմում կխաղա 10 համարի մարզաշապիկով:
