Սյունիքի նորանշանակ մարզպետի հայրն ուզում է, որ իր տղան նախագահ դառնա. մամուլ
«Ժամանակ» օրաթերթի զրուցակիցն է Սյունիքի նորանշանակ մարզպետի` ԱԺ ՀՀԿ-ական երիտասարդ պատգամավոր Վահե Հակոբյանի հայրը` Քաջարանի պղնձամոլիբդենային կոմբինատի տնօրեն Մաքսիմ Հակոբյանը:
-Պարոն Հակոբյան, ի վերջո Ձեր տղային դարձրեցիք էլի Սյունիքի մարզպետ:
-Մեր տղան ինքն է դառել: Մարզպետը դեռ քիչ ա, մեր տղան ավելի բարձր պաշտոնների ա գնալու, սա դեռ փոքր մաս ա:
-Ստացվում է` իրականացավ Վահեի և Ձեր ցանկությունը:
-Բացարձակապես` ոչ: Վահեի և իմ ցանկությունը կիրականանա, կարծում եմ, մի քանի տարիներ հետո, որ շատ ավելի պատասխանատու պոստեր զբաղեցնի:
-Այսինքն` ուզում եք նախագա՞հ դառնա:
-Անպայման, իմ ցանկությունը դա ա: Զինվորը զինվոր չի, որ չի ուզում գեներալ դառնալ:
-Պարոն Հակոբյան, կարծում եք` Վահեն կկարողանա՞ ղեկավարել մարզը:
-Եթե հանրապետության ղեկավարությունը գտել է, որ վահեն պետք է գա մարզպետ, նշանակում է, ուսումնասիրել են, համոզված են, որ կաշխատի:
Մաքսիմ Հակոբյանի հետ ամբողջական հարցազրույցը կարող եք կարդալ «Ժամանակի» այսօրվա համարում:
