Դոլարը թանկացավ 2 դրամով
Երկօրյա դադարից հետո «ՆԱՍԴԱՔՕԷՄԷՔՍ Արմենիա» բորսայում այսօր՝ հուլիսի 3-ին, արտարժութային գործարքներ տեղի ունեցան, որոնց արդյունքում դոլարի փոխարժեքը բարձրացավ։ Այսպես, բորսայում այսօր դոլարի միջին փոխարժեքը կազմել է 412 դրամ, որը ուրբաթ օրվա ցուցանիշից բարձր է 0.5%-ով կամ մոտ 2 դրամով։ Վաճառվել է ուղիղ մեկ միլիոն դոլար։ Հիշեցնենք, որ երկուշաբթի և երեքշաբթի օրերին բորսայում արտարժույթ չէր վաճառվել. գնորդներն ու վաճառողները չէին կարողացել համաձայնության գալ գնի շուրջ։
