Յուժնո-Սախալինսկ քաղաքի իրավապահների կողմից հետախուզվողը հայտնաբերվեց Վանաձորում
Ոստիկանության Վանաձորի բաժնի ծառայողների ձեռնարկած օպերատիվ-հետախուզական միջոցառումների շնորհիվ՝ Վանաձոր քաղաքի Նարեկացու փողոցի տներից մեկից բերման է ենթարկվել ՌԴ քաղաքացի, 1975 թ. ծնված Արմեն Ղ.-ն, որը 2012 թ. հունիսի 18-ից ՌԴ Սախալինի մարզի Յուժնո-Սախալինսկ քաղաքի իրավապահների կողմից հետախուզվում էր թմրամիջոց պատրաստելու, պահելու և փոխադրելու մեղադրանքով:
Արմեն Ղ.-ն ձերբակալված է և գտնվում է ոստիկանության Վանաձորի բաժնի ՁՊՎ-ում:
