Հայաստանի ու Ադրբեջանի արտգործնախարարների հերթական հանդիպումը կարող է անցկացվել հուլիսին
Ադրբեջանական APA լրատվական գործակալության փոխանցմամբ՝ Հայաստանի ու Ադրբեջանի արտգործնախարարներ Էդվարդ Նալբանդյանի ու Էլմար Մամեդյարովի հերթական հանդիպումը պլանավորված է հուլիսի երկրորդ կեսին:
Այս մասին գործակալությանը հայտնել են դիվանագիտական աղբյուրները: Վերջիններիս հաղորդմամբ՝ ԵԱՀԿ Մինսկի խմբի համանախագահները պլանավորել են արտգործնախարարների հերթական հանդիպումը կազմակերպել Փարիզում:
Հանդիպման ժամանակ միջնորդները կքննարկեն Ղարաբաղյան հակամարտության կարգավորման հարցը: Ակնկալվում է, որ այդ հանդիպումը կդառնա նախապատրաստական հանդիպում Հայաստանի ու Ադրբեջանի նախագահների հերթական հանդիպումից առաջ:
