Թողարկվել է բջջային հարթակների համար Google Earth-ի թարմացումը/ նորացված տարբերակը
Google ընկերությունը ներկայացրել է Google Earth 7.1-ը` նոր հնարավորություններով:
Հավելվածը iOS և Android օպերացիոն համակարգերի համար հասանելի է ավելի քան 100 երկրներում, և այժմ ցուցադրում է Street View-ն: Էկրանի վերևի ձախ անկյունում հայտնվել է Երկրի նշանը, որի վրա սեղմելով՝ կարելի է մուտք գործել դեպի լրացուցիչ տեղեկություններ, օրինակ` Վիքիպեդիա: Բարելավված է հետիոտնի, ավտոմեքենաների և մոտոցիկլետների երթուղիների ցուցադրումը: Դրանք այժմ կարելի է դիտել 3D ձևաչափով: Թարմացումը հասանելի է, և այն կարելի է ներբեռնել Google Play-ից և iTunes Store-ից: Այս մասին գրում է gazeta.ru-ն:
