Վահան Բադասյանը պահանջում է ԼՂՀ ԱԳ նախարարի հրաժարականը
karabakh-open.info-ի փոխանցմամբ՝ ԼՂՀ Ազգային ժողովի այսօրվա նիստում անկախ պատգամավոր Վահան Բադասյանը հանդես է եկել հայտարարությամբ, որում անդրադառնալով ԼՂՀ արտաքին գործերի նախարար Կարեն Միրզոյանի՝ «Ֆրանս 24» հեռուստաալիքին տված հարցազրույցում հնչեցված տեսակետներին, ասել է.
«Արտգործնախարարը խախտել է ԼՂՀ Սահմանադրությունը՝ իր և նախարարության տեսակետները հայտնելու ժամանակ, ուստի պահանջում եմ նրա հրաժարականը։ Հրաժարական չտալու դեպքում կխնդրեի կառավարությանը, որպեսզի պաշտոնանկ անի Կարեն Միրզոյանին՝ որպես դիվանագետի և արտաքին գործերի նախարարի»։
