Իրանի նորընտիր նախագահը նամակ է հղել Սերժ Սարգսյանին
Իրանական Mehr լրատվական գործակալության փոխանցմամբ՝ Իրանի նորընտիր նախագահ Հասան Ռոուհանին պատասխանել է Հայաստանի նախագահ Սերժ Սարսգյանի շնորհավորական ուղերձին՝ կապված հունիսի 14-ին Իրանի նախագահական ընտրություններում Ռոուհանիի տարած հաղթանակի հետ:
Սերժ Սարգսյանին հղած իր նամակում Ռոուհանին նշել է. «Հուսով ենք, որ Իրանի ու Հայաստանի ձեռնարկած ջանքերը խթան կհանդիսանան բոլոր ուղղություններով երկկողմանի հարաբերությունների զարգացման համար: Մենք Հայաստանի հետ մեր համագործակցությունն ընդլայնելու ենք փոխըմբռնման, վստահության ու փոխադարձ հարգանքի միջոցով»:
