Օգոստոսին Իրանում բացվելու է առաջին տիեզերակայանը
Իրանական Mehr լրատվական գործակալության փոխանցմամբ՝ այս տարվա օգոստոսին Իրանում բացվելու է առաջին տիեզերակայանը, իսկ առաջիկա շաբաթներին իշխանությունները պլանավորել են այնտեղից արձակել մի քանի հրթիռակիր, որոնք ուղեծիր դուրս կբերեն մի քանի արբանյակ:
Այս մասին հայտարարել է Իրանի պաշտպանության նախարար, բրիգադի գեներալ Ահմադ Վահիդին: Վերջինիս խոսքերով՝ այդ տիեզերակայանից արձակվելու են ոչ միայն Իրանի, այլև՝ տարածաշրջանի մյուս երկրների արբանյակները:
Սրանից առաջ էլ Իրանում ստեղծվել էր Տիեզերական տիրույթի մոնիթորինգի ու հետազոտության առաջին կենտրոնը, որը կոորդինացնելու է արբանյակների շարժումը և մյուս երկրների հետ կիսվելու է ստացված տեղեկատվությամբ:
