Ռուսաստան է ուղարկվել վրացական կոնյակի առաջին խմբաքանակը
Новости-Грузия լրատվական գործակալության փոխանցմամբ՝ «Կախեթիի ավանդական գինեգործություն» (Kakhetian Traditional Winemaking) ընկերությունը Ռուսաստան է ուղարկել կոնյակի առաջին խմբաքանակը:
Դա ռուսական շուկա վրացական կոնյակի ուղարկման առաջին դեպքն է 2006 թվականի գարնան բեռնարգելքից հետո: Ընկերության ներկայացուցիչը հայտարարել է, որ «Վերին Լարս-Կազբեկի» սահմանային անցակետով Ռուսաստան է ուղարկվել «Հին Կախեթի» տիպի տարբեր հնության կոնյակի 21.600 շիշ: Ընկերությունը մտադիր է նաև Ռուսաստան ուղարկել գինի:
Վրաստանի Գինու ազգային գործակալության մամուլի ծառայությունը հայտարարել է, որ մեկ օրվա ընթացքում ստույգ տեղեկատվություն կներկայացնի, թե գինեգործական ընկերությունները երբ կկարողանան ռուսական շուկա ուղարկել գինու առաջին խմբաքանակը: Առաջին փուլում պլանավորված է արտահանել ավելի քան 1 միլիոն շիշ գինի:
