Հրազենային վնասվածք ստացած զինծառայողը չի շարունակի պարտադիր զինվորական ծառայությունը
Նոյեմբերյանի զորամասի զինծառայող Հրաչյա Սարգսյանի առողջական վիճակը լավ է, նա արագ վերականգնվում է: Այդ մասին այսօր տեղեկացրեց Կենտրոնական կլինիկական հոսպիտալի պետ Արամ Ասատուրյանը, հավելելով, որ վերականգնողական նկատառումներով Հրաչյա Սարգսյանը կտեղափոխվի Հայկական Կարմիր Խաչի հիվանդանոց:
Մայիսի 15-ին զորամասում տեղի ունեցած միջադեպի հետևանքով գլխի շրջանում հրազենային վնասվածք ստացած Հրաչյա Սարգսյանը, Արամ Ասատուրյանի հավաստիացմամբ, անգամ վերականգնվելուց հետո չի շարունակի պարտադիր զինվորական ծառայությունը:
