Ադրբեջանի նախագահական ընտրություններում հաղթելու է Իլհամ Ալիևը. BBC
BBC News-ի լրագրող Դամիեն ՄաքԳինեսը հոդված է հրապարակել Ադրբեջանի մասին, որում պատմում է վերջին 2 տարվա ընթացքում Ադրբեջանում տասնյակ լրագրողների, ընդդիմադիր ակտիվիստների ու բլոգերների ձերբակալման մասին, որոնք մեղադրվել են թմրանյութ և զենք պահելու կամ էլ խուլիգանություն կատարելու մեջ.
«Մարդու իրավունքների պաշտպանության կազմակերպությունները կարծում են, որ մեղադրանքները հնարովի են և հանդիսանում են ավտորիտար իշխանության փորձ՝ կանխելու համար «Արաբական գարնան» տիպի հեղափոխություն:
Նրանք Ադրբեջանի իշխանություններին մեղադրում են հոկտեմբերին կայանալիք նախագահական ընտրությունների նախաշեմին ավելի կոշտ մեթոդներ կիրառելու մեջ:
Ընդունված օրենսդրական ուղղումները նախատեսում են կոշտ տուգանքներ քաղաքի կենտրոնում հակակառավարական ակցիայի մասնակիցների դեմ, իսկ զրպարտանքի մասին նոր օրենքով քրեականացվում է օնլայն-քննադատությունը»:
Հոդվածի վերջում հեղինակը գալիս է այն եզրակացության, որ Ադրբեջանի նախագահական ընտրություններում, ամենայն հավանականությամբ, հաղթելու է գործող նախագահ Իլհամ Ալիևը:
