Զենքի բեռնարգելքի շուրջ ստեղծված իրավիճակը խոչընդոտում է Սիրիայի վերաբերյալ կոնֆերանսի անցկացմանը. ՌԴ ԱԳՆ
Ռուսական РИА Новости լրատվական գործակալության փոխանցմամբ՝ Ռուսաստանի արտգործնախարար Սերգեյ Լավրովը հայտարարել է, որ ԵՄ-ի կողմից սիրիական ընդդիմությանը զենք մատակարարելու վրա դրված բեռնարգելքի չեղյալ հայտարարումը խոչընդոտում է Սիրիայի վերաբերյալ միջազգային կոնֆերանսի գումարմանը.
«Բեռնարգելք հայտարարելը ի սկզբանե եղել է երկիմաստ: Իսկ այժմ այդ բեռնարգելքի վերացումն էլ ավելի է բարդացնում իրավիճակը և նվազագույնը լուրջ խոչընդոտներ է ստեղծում Սիրիայի վերաբերյալ միջազգային կոնֆերանս գումարելու նախաձեռնության իրագործման համար»:
Սիրիային զենք մատակարարելու վրա ԵՄ-ի դրած բեռնարգելքի ժամկետը սպառվում է մայիսի 31-ին, ինչից հետո նրա անդամներն իրենք են որոշելու զենք մատակարարել, թե չմատակարարել սիրիական ընդդիմությանը:
