Սամվել Ալեքսանյան. Ինչի՞ համար ներողություն խնդրեմ. մամուլ
«Առավոտ» օրաթերթը գրում է. «ԱԺ պատգամավոր Սամվել Ալեքսանյանը տեղյակ չէ, որ «Թրանսփարենսի ինթերնեյշնլ» հ/կ-ն դիմել է ԱԺ էթիկայի հանձնաժողով՝ խնդրելով քննել, թե ինչքնով էր Երևանի ավագանու ընտրություններին իր վարքագիծը պատգամավորի վարքագծին հարիր և իրավաչափ:
«Ես չեմ էլ իմանում՝ ինչ կազմակերպություն է: Ի՞նչ եմ խախտել, ես խաբար չեմ»,- Aravot.am-ին ասաց պարոն Ալեքսանյանը: Հետո վստահեցրեց, որ ինքը ընտրությունների օրը պատգամավորին անհարիր պահվածք չի ցուցաբերել, ընդամենը փորձել է կարգուկանոնին հետևել:
Պարոն Ալեքսանյանից նաև հետաքրքրվեցինք՝ հնարավո՞ր է, որ ինքը ներողություն խնդրի իր կատարածի համար. «Ինչի՞ համար ներողություն խնդրեմ, ո՞վ է ասում: Եթե վատ բան արած լինեմ, ներողություն կխնդրեմ, բայց ես վատ բան չեմ արել»»:
