Թուրքիայի փոխվարչապետն առաջարկել է փոխել «Հզբոլլահի» անունը
Թուրքական Today’s Zaman թերթի փոխանցմամբ՝ Թուրքիայի փոխվարչապետ Բեքիր Բոզդաղը կտրուկ քննադատության է ենթարկել Սիրիայի նախագահ Բաշար Ասադին և լիբանանյան «Հզբոլլահ» խմբավորմանը.
«Որևէ տարբերություն չկա փարավոնի, ով հրամայել է սպանել նորածին երեխաներին և Ասադի միջև, ով սպանել է հազարավոր մարդկանց, որպեսզի մնա իշխանության ղեկին: «Հզբոլլահը» գնալով ավելի ակտիվորեն է մասնակցում Սիրիայում ռազմական գործողություններին:
«Հզբոլլահը» (թարգմանաբար՝ Աստծու կուսակցություն) պետք է փոխի իր անունը և դառնա «Հիզբ ալ-Շայթան» (թարգմանաբար՝ սատանայի կուսակցություն)»:
Հիշեցնենք, որ «Հզբոլլահի» առաջնորդ Հասան Նասրալլահը նախորդ շաբաթ առաջին անգամ հրապարակավ խոսոտվանել էր, որ «Հզբոլլահի» զինյալները Բաշար Ասադի զորքերի կողմից մարտնչում են Սիրիայում:
