Հայաստանի բանկերի միությունը նոր նախագահ ունի
Օրերս Հայաստանի բանկերի միության (ՀԲՄ) խորհրդի նիստում միաձայն ՀԲՄ նախագահ է ընտրվել «Անելիք Բանկ» ՓԲԸ վարչության նախագահ Սամվել Ճզմաչյանը՝ փոխարինելով «Արարատբանկի» վարչության նախագահ, գործադիր տնօրեն Աշոտ Օսիպյանին: Վերջինս ՀԲՄ նախագահ էր 2011թ-ից։
Սամվել Ճզմաչյանը նախկինում ևս (2003 -2006 թվականներին) ղեկավարել է Հայաստանի բանկերի միությունը: Շուրջ 20 տարի Ս. Ճզմաչյանը ղեկավարում է «Անելիք Բանկ» ՓԲԸ-ն:
Նշենք, որ Հայաստանի բանկերի միությունը հիմնադրվել է 1995 թ.-ի հուլիսի 27-ին բանկերի շահերի պաշտպանության նպատակով: Հայաստանի տարածքում գործող 22 առևտրային բանկերից 21-ը ՀԲՄ անդամ են:
