Էրդողանը դատական հայց է ներկայացրել Քեմալ Քըլըչդարօղլուի նկատմամբ
Թուրքական Anadolu լրատվական գործակալության փոխանցմամբ՝ Թուրքիայի վարչապետ Ռեջեփ Էրդողանը դատական հայց է ներկայացրել ընդդիմադիր «Ժողովրդա-հանրապետական» կուսակցության (ԺՀԿ) առաջնորդ Քեմալ Քըլըչդարօղլուի նկատմամբ:
Որպես դատական հայց ներկայացնելու պատճառ է նշվում Քըլըչդարօղլուի կողմից Էրդողանին Սիրիայի նախագահ Բաշար Ասադի հետ համեմատելը: Իր հայցում Էրդողանը պահանջում է 1 միլիոն լիրա (1 դոլարը հավասար է 1.85 լիրա) փոխհատուցում՝ իրեն բարոյական վնաս պատճառելու համար:
Էրդողանի փաստաբանները դատարան դիմեցին այն բանից հետո, ինչ Քըլըչդարօղլուն Ռեյհանլըում իրականացված ահաբեկչության հետևանքով 51 քաղաքացիների զոհվելու պատասխանատվությունը դրեց Էրդողանի վրա, ինչպես նաև հայտարարեց, որ Էրդողանը քիչ բանով է տարբերվում Ասադից և վերջինիս նման վարում է հակաժողովրդավարական քաղաքականություն:
