Ռուսաստանից գազը գնվում է 270 դոլարով. դա երևում է ՀԾԿՀ ներկայացված փաստաթղթից
Ինչպես արդեն տեղեկացրել ենք, «ՀայՌուսգազարդ» և «Տրանսգազ» ընկերություններն այսօր դիմել են Հանրային ծառայությունները կարգավորող հանձնաժողով՝ բնական գազի բաշխման և փոխադրման սակագները վերանայելու խնդրանքով: «Տրանսգազ» ՍՊԸ կողմից ներկայացված՝ բնական գազի փոխադրման հաշվարկում նշված է, որ ընկերությանը հանձնվող հազար խմ բնական գազի արժեքը 113428,08 դրամ է: Դա նշանակում է, որ Ռուսաստանից Հայաստան ներկրվող հազար խմ գազի գինը 270 դոլար է:
Հետաքրքվողները կարող են ինքնուրույն ուսումնասիրել փաստաթուղթը՝ հետևյալ հղումով։
Այն դեպքում, երբ մինչև վերջերս էներգետիկայի և բնական պաշարների նախարար Արմեն Մովսիսյանը համառորեն պնդում էր, որ գազի ներկրման գինը 180 դոլար է:
Արմեն Մովսիսյանը և մյուս պաշտոնյաները այս հարցով դեռև ոչ մի մեկնաբանություն չեն ներկայացրել։
