Վաղը Ստամբուլում կհանդիպեն Քեթրին Էշթոնն ու Սաիդ Ջալիլին
Իրանական Press TV հեռուստաալիքի փոխանցմամբ՝ Իրանը հուսով է, որ մայիսի 15-ին Ստամբուլում կայանալիք բանակցություններում ԵՄ-ի դիվանագիտության ղեկավար Քեթրին Էշթոնը կպատասխանի Իրանի միջուկային ծրագրի վերաբերյալ Թեհրանի արած առաջարկին:
Այս մասին հայտարարել է Իրանի ԱԳՆ-ի նորանշանակ մամլո քարտուղար Աբբաս Արաղչին. «Թեհրանում ներկայումս սպասում են Էշթոնի պատասխանին: Ալմա Աթայում անցկացված բանակցությունների երկրորդ փուլում Իրանի արած առաջարկները եղել են շատ կառուցողական, հավասարակշռված ու համաչափ: Մենք հուսով ենք ստանալ դրական ու բարենպաստ պատասխան»:
Քեթրին Էշթոնը վաղը Ստամբուլում հանդիպելու է Իրանի Ազգային անվտանգության բարձրագույն խորհրդի քարտուղար Սաիդ Ջալիլիի հետ:
