Սիրիան պատրաստ է Թուրքիայի հետ համատեղ հետաքննել Ռեյհանլըի պայթյունները
France-Presse լրատվական գործակալության փոխանցմամբ՝ Դամասկոսը պատրաստ է Անկարայի հետ համատեղ հետաքնննել Սիրիային սահմանակից Ռեյհանլը քաղաքում տեղի ունեցած ահաբեկչությունը, որին զոհ է գնացել 51 և վիրավորվել է 155 մարդ:
Սիրիական կողմը հայտարարել է, որ եթե Թուրքիայի վարչապետ Ռեջեփ Էրդողանի կառավարությունը պահանջի համատեղ և թափանցիկ հետաքննություն, ապա ինքը որևէ խնդիր չի տեսնում դրանում մասնակցելու հարցում՝ պարզելու համար ճշմարտությունը:
Թուրքական կողմը Ռեյհանլըի պայթյունների գործով արդեն իսկ ձերբակալել է 17 մարդու:
