Ադրբեջանը հուսով է, որ սեփական արտադրության զինատեսակները կօգտագործվեն թուրքական բանակի կողմից
Ադրբեջանական APA լրատվական գործակալության փոխանցմամբ՝ Ադրբեջանում արտադրվող մի շարք զինատեսակներ կարող են հայտնվել թուրքական բանակի սպառազինությունում: Այս մասին հայտարարել է Ադրբեջանի պաշտպանական արդյունաբերության նախարար Յավեր Ջամալովը:
Վերջինիս խոսքերով՝ Թուրքիայի պաշտպանական արդյունաբերության քարտուղար Մուրադ Բայարի հետ հանդիպման ժամանակ, որը տեղի է ունեցել Ստամբուլում անցկացված IDEF-2013 ռազմական ցուցահանդեսի շրջանակներում, քննարկվել է երկկողմանի համագործակցության զարգացման հարցը.
«Հանդիպման ժամանակ մենք քննարկել են թուրքական բանակի կողմից Ադրբեջանում արտադրվող մի շարք զինատեսակների օգտագործման հարցը: Հուսով եմ, որ մոտ ժամանակներս որոշակի քայլեր կձեռնարկվեն տվյալ ուղղությամբ»:
Նշվում է, որ ցուցահանդեսի ժամանակ ադրբեջանցի զինվորականները հետաքրքրություն են ցուցաբերել թուրքական արտադրության Т-129 АТАК ուղղաթիռի նկատմամբ:
Հիշեցնենք, որ ոչ վաղ անցյալում հայտնի դարձավ, որ Ադրբեջանը գնել է թուրքական արտադրության Т-129 АТАК տիպի 60 ուղղաթիռ, սակայն փետրվարի սկզբին դա հերքվեց:
