Բորիս Բերեզովսկուն հուղարկավորել են Անգլիայի հարավում
BBC-ի փոխանցմամբ՝ երեկ Անգլիայի հարավում գտնվող Բրուկվուդ գերեզմանոցում հուղարկավորել են ռուս հանրահայտ գործարար Բորիս Բերեզովսկուն: Նշվում է, որ հուղարկավորությունն անցկացվել է ընտանեկան նեղ շրջանակի մասնակցությամբ, և հրավերներ չեն արվել լրագրողներին:
Ընդհանուր առմամբ, Բերեզովսկու հուղարկավորությանը ներկա է գտնվել մոտ 60 մարդ: Գերեզմանոց մուտք գործելու թույլտվություն է տրվել միայն հանգուցյալի հարազատների կողմից պատրաստված ցուցակում ընդգրկվածներին: Չնայած դրան՝ գերեզմանոցի դարպասների մոտ հավաքվել են տասնյակ լրագրողներ:
Բորիս Բերեզովսկին մահացել է այս տարվա մարտի 23-ին՝ 67 տարեկան հասակում:
