Սերժ Սարգսյանը Արցախում նշում է Հաղթանակի տոնը (լուսանկարներ)

Քիչ առաջ Լեռնային Ղարաբաղի հանրապետության մայրաքաղաք Ստեփանակերտում մեկնարկեց Մայիսյան եռատոնին նվիրված տոնակատարությունը, որին ներկա են ՀՀ նախագահ Սերժ Սարգսյանը, ԼՂՀ նախագահ Բակո Սահակյանը, ԼՂՀ նախկին նախագահ Արկադի Ղուկասյանը, Շուշիի ազատագրման տարիներին ՀՀ ՊՆ նախարար Վազգեն Մանուկյանը, Արցախի թեմի առաջնորդ Պարգև արքեպիսկոպոս Մարտիրոսյանը, Ռուսաստանի հայերի միության նախագահ Արա Աբրահամյանը ՀՀ ԱԺ պատգամավորներ Ռուբեն Հակոբյանը («Ժառանգություն»), Արծվիկ Մինասյանը (ՀՅԴ), Հերմինե Նաղդալյանը (ՀՀԿ), Ռուբեն Գևորգյանը (ԲՀԿ), Սյունիքի մարզպետ Սուրիկ Խաչատրյանը և այլ բարձրաստիճան պաշտոնյաներ:

Հաղթանակի տոնի մասնակիցներն այցելեցին զոհված ազատամարտիկների հուշահամալիր, որտեղից ուղևորվեցին Շուշի` շարունակելու տոնակատարությունը:

Ստորև առաջարկում ենք դիտել 168.am-ի ֆոտոշարքը՝ Ստեփանակերտից: Շուտով ձեր ուշադրությանը կներկայացնենք նաև ֆոտոշարք Շուշիից:

Լուսանկարները` 168.am-ի