Իրանում նախագահի թեկնածու գրանցվելու համար երկու օրում ստացվել է 144 հայտ
Ռուսական РИА Новости լրատվական գործակալության փոխանցմամբ՝ Իրանում ավարտվել է նախագահի թեկնածուների գրանցման գործընթացի երկրորդ օրը:
Իրանի ՆԳՆ-ը հայտնել է, որ այդ երկու օրվա ընթացքում նախագահական ընտրություններում իրենց թեկնածության առաջադրման ցանկություն է հայտնել 144 մարդ:
Ընդ որում, առաջին օրը (մայիսի 7) ստացվել է 75 հայտ, որոնցից 5-ը ազդեցիկ քաղաքական ու պետական գործիչներ են, իսկ երկրորդ օրը՝ 69 մարդ, որոնցից 2-ը կանայք են, որոնք ավելի վաղ նկատելի չեն եղել Իրանի քաղաքական կյանքում: Իրանում նախագահական ընտրությունները տեղի են ունենալու հունիսի 14-ին:
