Թուրքիան ապրիլին մեծացրել է իրանական նավթի ներկրման ծավալը
Իրանական Press TV հեռուստաալիքի փոխանցմամբ՝ ապրիլին Թուրքիան մեծացրել է իրանական նավթի ներկրման ծավալը: Նախորդ ամիս Թուրքիան միջին հաշվով Իրանից ներկրել է օրական մինչև 140.000 բարել նավթ՝ հասնելով ութամսյա առավելագույնին:
2012 թվականի սեպտեմբերի կեսերից մինչև 2013 թվականի փետրվարն ընկած ժամանակահատվածում Թուրքիան միջին հաշվով Իրանից գնել է օրական 100.000 բարել նավթ: Այս տարվա մարտին այդ ցուցանիշը հասցվել է մինչև 114.000 բարելի՝ չնայած Իրանի էներգետիկ ոլորտի հանդեպ ԱՄՆ-ի սահմանած պատժամիջոցներին:
