Թուրքիայում սիրիացի փախստականների քանակը հասել է 400.000-ի
Թուրքական Haberler.com լրատվական կայքի փոխանցմամբ՝ Թուրքիայում սիրիացի փախստականների քանակը հասել է 400.000-ի: Աթալայը Թուրքիայում բնակվող սիրիացի փախստականներին անվանել է «եղբայրներ», իսկ Սիրիայում բնակվողներին՝ «դժբախտներ»:
Աթալայն իր այս հայտարարությունն արել է Թուրք-արաբական սոցիալական գիտությունների երրորդ կոնգրեսում, որն անցկացվել է Ստամբուլում: Աթալայն ընդգծել է, որ ՄԱԿ-ը և միջազգային հանրությունը բավականաչափ հետաքրքրություն չեն ցուցաբերում Սիրիայում ընթացող իրադարձությունների վրա:
Աթալայը կոչ է արել արագ գործել, քանի որ սիրիացիները ծանր վիճակի պատճառով չեն մնում երկրի ներսում: Աթալայն ընդգծել է, որ Թուրքիան հնարավորինս մոբիլիզացրել է բոլոր միջոցները՝ սիրիացիներին օգնելու համար:
