Իրանը պետք է փոխի իր արտաքին քաղաքականությունը. Մոհսեն Ռեզաի
Իրանական ISNA լրատվական գործակալության փոխանցմամբ՝ Իրանի նախագահի թեկնածու Մոհսեն Ռեզաին հայտարարել է, որ անհրաժեշտ է, որ Իրանն արագացնի պատժամիջոցների տնտեսական հետևանքների հաղթահարումը:
Ռեզաին հավելել է, որ կան լուրջ պլաններ՝ կապված երկրի տնտեսության հետ: Նա ընդգծել է, որ նախագահ ընտրվելու դեպքում կարդիականցնի Իրանի տնտեսությունը և հատկապես գյուղատնտեսական ոլորտը:
Ռեզաիի կարծիքով՝ Իրանն ինքն է մեղավոր առկա բազմաթիվ խնդիրներում, որպիսիք են ինֆլյացիան ու գործազրկությունը: Նա հավելել է, որ Իրանը պետք է փոխի իր արտաքին քաղաքականությունը, որպեսզի հնարավորություն ունենա ավելի արդյունավետորեն դիմակայել պատժամիջոցներին:
Իրանում 11-րդ նախագահական ընտրությունները տեղի են ունենալու այս տարվա հունիսի 14-ին:
