Եղվարդի ոստիկանապետ Կորյուն Հարությունյանի գործի քննությունը վարում է Հատուկ քննչական ծառայությունը
Այսօր առավոտյան հրազենային վնասցածքից մահացած Եղվարդի ոստիկանապետ Կորյուն Հարությունյանի գործի քննությունը վարում է Հատուկ քննչական ծառայությունը: Այս մասին 168.am-ին հայտնեցին ոստիկանության լրատվական ծառայությունից: Գործի վերաբերյալ այլ մանրամասներ ոստիկանությունը չի հաղորդում:
Հիշեցնենք, որ այսօր առավոտյան հայտնաբերվել է ոստիկանության Եղվարդի բաժնի պետ Կորյուն Հարությունյանի դին `գլխի շրջանում ստացված հրազենային վնասվածքով: Ոստիկանապետը եղել է ծառայողական ավտոմեքենայի մեջ` հոր գերեզմանի մոտ:
Մեր ունեցած տեղեկություններով, Կորյուն Հարությունյանը մայիսի 1-ին աշխատանքից դուրս գալիս աշխատակիցներին ասել է, որ գնում է աներոջ ծնունդին: Կորյուն Հարությունյանը Հրազդան քաղաքի բնակիչ էր, ոստիկանության Նաիրիի բաժնի պետ նշանակվել էր ապրիլի 19-ին, մինչ այդ նա աշխատել է պետական պահպանության գլխավոր վարչությունում:
