Երևանում անշարժ գույքը թանկացե՞լ է
Եթե հավատանք պաշտոնական վիճակագրությանը, ապա Երևանում բազմաբնակարան շենքերի մեկ քառակուսի մետրի միջին գինը տարվա ընթացքում թանկացել է 19900 դրամով կամ 8%-ով։
Այսպես, Ազգային վիճակագրական ծառայության տվյալների համաձայն, նախորդ տարվա մարտի վերջին մեկ քմ-ի գինը արժեր 249 900 դրամ, իսկ այս տարվա մարտի վերջին՝ 269 800 դրամ։
Անշարժ գույքի թանկացման այս ցուցանիշը՝ հատկապես արտագաղթի ֆոնին, կարող է զարմանալի թվալ։ Սակայն ամեն ինչ պարզ է դառնում, երբ անշարժ գույքի գները դիտարկում ենք դոլարով (սովորաբար անշարժ գույքի գին որոշելիս մարդիկ որպես հիմք վերցնում են արտարժույթը՝ նոր միայն այն վերածում են դրամի)։
Նախորդ տարվա մարտին 1 ԱՄՆ դոլարն արժեր 389 դրամ, իսկ այս տարվա մարտի վերջին՝ 420 դրամ։
Այսինքն՝ նախորդ տարվա վերջին Երևանում բնակարանի 1քմ-ի գինը 641 դոլար էր, իսկ այս տարվա մարտին՝ 642 դրամ։ Այսինքն՝ անշարժ գույքի գինը Երևանում փոփոխություն չի կրել։
