«Հետքի» լրագրողին վիրավորող և հրող ոստիկանության ծառայողը (Դոգ) հեռացվել է աշխատանքից (տեսանյութ)
Ոստիկանության հասարակայնության հետ կապերի և լրատվության վարչության պետ Աշոտ Ահարոնյանը hetq.am կայքին տեղեկացրել է, որ նշանակվել էր ծառայողական քննություն, և երեկ Վարդան Ղուկասյանը (Դոգ) հեռացվել է աշխատանքից:
Աշոտ Ահարոնյանը նշել է, որ Վարդան Ղուկասյանը եղել է ոստիկանության ծառայող և իրականությանը չեն համապատասխանում այն լուրերը, որ նա ոստիկանապետ Վլադիմիր Գասպարյանի օգնականն էր կամ խորհրդականը:
Հիշեցնենք, որ ապրիլի 27-ին Հյուսիսային պողոտայում Վարդան Ղուկասյանը հրել և վիրավորել էր «Հետքի» լրագրող Անի Հովհաննիսյանին:
