Մի՛ տվեք տոկոսով գումար
Աջափնյակ և Դավթաշեն վարչական շրջանների ընդհանուր իրավասության դատարանը քննության է առել քրեական գործն ըստ մեղադրանքի Հենրիկ Օ.-ի և Սուզանա Օ.-ի:
Վերջիններիս մեղադրանք է առաջադրվել այն բանի համար, որ նրանք որպես արհեստ պարտք տրված դրամի համար ՀՀ կենտրոնական բանկի սահմանված բանկային տոկոսի հաշվարկային դրույքի կրկնապատիկը գերազանցող չափով տարբեր անձանցից 2008 թ. ամռանից մինչև 2010 թ. սեպտեմբեր ամիսը ստացել են տոկոսներ:
Մեղադրյալների նկատմամբ խափանման միջոց է ընտրվել ստորագրություն չհեռանալու մասին:
Ծանուցում. Հանցագործության մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Աղբյուրը` iravaban.net
