Դել Պիերոն ճանաչվել է Սիդնեյի լավագույն ֆուտբոլիստ
«Սիդնեյի» 38-ամյա հարձակվող, իտալացի լեգենդար ֆուտբոլիստ Ալեսանդրո Դել Պիերոն ճանաչվել է ավստրալական ակումբի ընթացիկ մրցաշրջանի լավագույն ֆուտբոլիստ։ Այս մասին հայտնում է ակումբի պաշտոնական կայքը։
Բացի այդ, Ալեսանդրոն արժանացել է հանդիսատեսի համակրանքի մրցանակին և ստացել լավագույն ռմբարկուին շնորհվող հատուկ պարգև։
Դել Պիերոն, ով «Սիդնեյի» հետ պայմանագիր էր ստորագրել նախորդ տարվա սեպտեմբերին, ընթացիկ մրցաշրջանում մասնակցել է 23 հանդիպման՝ դառնալով 14 գոլի և 5 գոլային փոխանցման հեղինակ։
Մարզական լրահոսն ապահովում է SportArmenia.com-ը
