Հավատարմագրվել է 210 տեղական դիտորդ
Երևանի ավագանու մայիսի 5-ի ընտրություններին հետևելու համար գրանցվել է երեք հասարակական կազմակերպություն: Այս մասին 168.am-ին հայտնեց Կենտրոնական ընտրական հանձնաժողովի մամուլի քարտուղար Հերմինե Հարությունյանը:
Դիտորդական առաքելություն իրականացնող գրանցված հասարակական կազմակերպություններից (հ/կ) ամենաշատ դիտորդ ներկայացրել է «Հարմոնիա» հ/կ-ն՝ 100 դիտորդով: «Ընտրական համակարգեր կենտրոն» հ/կ-ն ավագանու ընտրություններին կհետևի 60 դիտորդով, իսկ «Իրավակիրթ հասարակություն» կազմակերպությունը՝ 50 դիտորդով:
Հիշեցնենք, որ դիտորդական առաքելություն իրականացնող հասարակական կազմակերպությունների հավատարմագրումը ԿԸՀ-ում սկսվում է փետրվարի 21-ից և կավարտվի ապրիլի 25-ին:
